الحالات التي تأتي فيها المشتريات دائنه

ماهي الحالات التي تأتي فيها المشتريات دائنه ؟

طبعا احنا عارفين ان المشتريات طبيعتها مدينه بس في الاول عاوزين نعرف يعني ايه اصلا مشتريات ؟

المشتريات دي بضاعه بتشتريها الشركه علشان تبيعها ولازم تكون البضاعه تخص النشاط الرئيسي للشركه يعني اصلا الشركه فاتحه علشان تبيع البضاعه دي زي مثلا السيارات في معارض السيارات والملابس في محال الملابس وزي الموبيلات في محال الموبيلات .......الخ يعني انا لما بشتري الحاجات دي بتزيد عندي يعني مدينه

فابتيجي دائنة في :

١-  حالة تحويل جزء من المشتريات دي الي أصل ثابت .

يعني ايه ؟ يعني لو انا شركة بتشتري تكيفات علشان تبيعها فدي بسميها مشتريات طيب لو الشركة قررت تاخد تكييف لاستخدام الشركه كده اتحول جزء من المشتريات الي أصل ثابت وساعتها القيد هيكون من ح الأصول الثابته الي ح المشتريات

٢-  حالة سحب واحد من الشركاء بضاعه بسعر التكلفه .

ودا بيحصل لو واحد من الشركاء قرر أنه ياخد تكييف البيت عنده ساعتها القيد هيكون من ح جاري الشريك الي ح المشتريات .