نصايح في المحاسبة

مجال المحاسبة كبير عشان كدة ما تسألش حد ابتدي منين ؟

لان كل واحد هيقولك كلام مختلف و النتيجة انك هتتشتت و مش هتبتدي اصلا.

و دي بعض النصائح الي ها تستفيد منها بالمحاسبة :

النصيحة الأولي :

شوف انت عاوز ايه يعني حدد هدفك لانو لو مافيش عندك هدف هتكون انت هدف لحد تاني يعني مثلا لو عاوز تبقي رئيس حسابات أو مدير مالي ركز و خد اول خطوة شوف أساسيات المحاسبة سنة أولي أو خد كورس في مبادئ المحاسبة.

النصيحة الثانية:

لو انت لسة طالب استغل الفرصة دي و اهتم ببرنامج الاكسيل لأنك في الجامعة ما فيش حد هيجيبلك سيرته و كمان هيفرق معاك في سرعة إعداد التقارير و دي من أهم واجبات المحاسب وهي الدقة و الالتزام بالمواعيد المحددة و اتعلم برنامج من برامج ال إي ار بي .

النصيحة الثالثة:

بعد ما تتخرج ما تزعلش انك لسة ما اشتغلتش خلال شهر او شهور لازم تعرف أن دا طبيعي لان الدراسة ليس لها علاقة بالواقع لازم تشتغل شوية علي نفسك .

النصيحة الرابعة :

لو ربنا كرمك بشغل محاسب بمرتب بسيط و و شغل تاني زي كول سنتر مثلا بمرتب اعلي انصحك أشتغل محاسب حتى لو بمرتب بسيط .

واخيرا عاوز اقولك ان المجال دا كبير جدا و مجال محترم وكمان فيه فلوس بس للمبدعين .واذا لم تكن تمتلك المال فانت تمتلك الوقت.